Avropa İttifaqı (Aİ) Komissiyasının Genişləmə məsələlərinə cavabdeh üzvü Marta Kosun sabah Türkiyəyə rəsmi səfərə çıxacağı bildirilib.
Manset.az xarici mediaya istinadən xəbər verir ki, diplomatik mənbələrdən əldə edilən məlumata görə, Kos Türkiyənin Xarici İşlər naziri Hakan Fidan ilə görüşəcək.
Nazir Fidanın Kos ilə keçirəcəyi görüşdə Türkiyə Prezidenti Rəcəb Tayyib Ərdoğan tərəfindən ortaya qoyulan vizyon çərçivəsində Aİ-yə tam üzvlüyün Türkiyənin strateji hədəfi olaraq qalmasını vurğulaması gözlənilir. Eyni zamanda, Aİ-nin Türkiyəyə qarşı siyasətində tərəfsiz, rasional və layiqli bir yanaşma göstərməsinin vacibliyinə diqqət yetirilməsi nəzərdə tutulur.
