Fransız kahini Nostradamusun ABŞ, İsrail-İran müharibəsi ilə bağlı olan proqnozu diqqət çəkib.
Manset.az xarici mediaya istinadən xəbər verir ki, Nostradamus hazırda dünyanın gündəmində olan müharibənin nə qədər davam edəcəyini də söyləyib.
Dünya ABŞ/İsrail-İran müharibəsinə fokuslanarkən fransız kahini Nostradamusun (Michel de Nostredame) 1555-ci ildə yazdığı "Les Propheties" (Proqnozlar) adlı əsəri yenidən gündəmə gəlib. Həyatını 16-cı əsrdə yaşayan və bu müddət ərzində Londondakı Böyük Yanğın, Hitlerin yüksəlişi, 11 sentyabr hücumları və II. Elizabethin ölümü kimi tarixə təsir edən hadisələri öncədən xəbər verən Nostradamus, ABŞ/İsrail-İran müharibəsi ilə bağlı dedikləri ilə diqqət çəkib.
Nostradamusun bu əsərindəki 2026-cı il proqnozuna görə, İran müharibəsi şiddətini artıraraq yeddi ay davam edəcək. Bu proqnozda "Yeddi ay davam edəcək böyük müharibə səbəbindən ölən insanlar... Böyük arı sürüsü yüksələcək, gecə vaxtı pusqu quracaq" ifadələri yer alır. Nostradamusun "arı sürüsü" deyə ifadə etdiyi məfhumun, İran müharibəsində istifadə olunan çox funksiyalı döyüş dronlarına işarə etdiyi ehtimal edilir.
