ABŞ-ın maliyyə naziri Canet Yellen Vaşinqtonda G20 ölkələrinin maliyyə nazirlərinin görüşündə rusiyalı həmkarı Anton Siluanovun çıxışı zamanı zalı tərk edib.
Manse.az xəbər verir ki, bu barədə məlumatı öz mənbələrinə istinadən “Washington Post” yayıb.
Bildirilir ki, Siluanovun çıxışı zamanı zalı ABŞ və Ukrayna da daxil olmaqla, müxtəlif ölkələrin məmurları tərk edib.
Onlar sırasında Avropa Mərkəzi Bankının sədri Kristin Laqard, ABŞ Federal Ehtiyat Sisteminin sədri Cerom Pauell və Kanadanın Baş nazirinin müavini Kristiya Friland da olub.
Məlumata görə, ABŞ Siluanova sanksiya tətbiq etdiyindən, o, iclasa videobağlantı formatında qatılmalı idi.
