ABŞ minalardan təmizləmə ilə məşğul olacaq istehkamçıların hazırlanması üçün Kiyevə 89 milyon dollar ayıracaq .
Manset.az xəbər verir ki, ABŞ Dövlət Departamenti bu vəsaitin ayrılmasını təsdiqləyib.
Onlardan 100 istehkamçı qrupunun hazırlanması və lazımi avadanlıqların alınması üçün istifadə olunacaq.
Bundan əvvəl ABŞ-ın Ukraynaya əlavə 5,5 milyard dollar yardım göndərəcəyi, bunun 4,5 milyard dollarının ölkənin təcili büdcə ehtiyaclarının, o cümlədən pensiya, sosial təminat və səhiyyənin maliyyələşdirilməsinə, 1 milyard dollarının isə hərbi yardıma yönəldiləcəyi bildirilirdi.
Pul Ukrayna hökumətinə tranşlarla daxil olacaq, birincisi 3 milyard dollar həcmində avqusta planlaşdırılıb. Beləliklə, Rusiya əməliyyatı başlayandan bəri ABŞ-ın Ukraynaya yardımının ümumi məbləği 8,5 milyard dollar təşkil edəcək.
