Təbii qaz alışında Rusiyadan çox asılı olan Avropa sərt qışa hazırlaşır. Avropanın Rusiya qazına alternativ axtarışları davam edərkən, Çindən gələn xəbərlər şok effekti yaradıb.
Manset.az-ın xarici mediaya istinadən məlumatına görə, Pekin administrasiyasının dövlətə məxsus enerji idxal edən şirkətlərə enerji çatışmazlığı olan Avropa ölkələrinə təbii qaz tədarükünü dayandırmağı əmr etdiyi iddia edilir.
Çin Kommunist Partiyasının Milli İnkişaf və İslahat Komissiyası dövlət enerji nəhəngləri CNOOC, PetroChina və Sinopec-ə mayeləşdirilmiş təbii qazın nəqlini dayandırmağı söyləyib.
