Türkiyədə Quran kursunun şagirdlərinin olduğu mikroavtobus qəzaya düşüb.
Manset.az Türkiyə mətbuatına istinadən xəbər verir ki, mikroavtobus Kayseri-Kahramanmaraş şosesində idarəetmədən çıxaraq yol kənarına aşıb.
Qəza nəticəsində 27-si şagird olmaqla 29 nəfər yaralanıb. Onlardan yeddisinin vəziyyəti ağırdır. Yaralılar Pınarbaşı dövlət xəstəxanasına çatdırılıb.
Yol qəzası ilə bağlı araşdırma başlanıb.