Yanvarın 25-nə keçən gecə Qazaxıstanın Almatı vilayətində seysmoloqlar iki zəlzələ qeydə alıblar.
Hər iki zəlzələnin episentri Çində olub.
Manset.az Modern.az-a istinadən xəbər verir ki, Qazaxıstanın Almatı vilayətinin Fövqəladə Hallar Departamentinin mətbuat xidməti belə xəbər verib.
“Yanvarın 25-də yerli vaxtla saat 2:35-də seysmik stansiyalar şəbəkəsi təbiət hadisəsini qeydə alıb.
Zəlzələnin episentri Çinin Almatı şəhərindən 258 kilometr cənub-şərqdə yerləşir", - məlumatda deyilir.
5,1 bal gücündə zəlzələnin on kilometr dərinlikdə baş verdiyi bildirilir. Almatı sakinləri 2 bal gücündə zəlzələ hiss ediblər.
5,9 bal gücündə daha bir zəlzələni şəhər əhalisi saat 1:21-də hiss edib. Bu dəfə yeraltı təkanların episentri Almatıdan 273 kilometr cənub-şərqdə, Çin ərazisində yerləşib. Almatı sakinləri 2 bal gücündə təkan hiss ediblər.
