Biləsuvar rayon ərazisində iki yol-nəqliyyat hadisəsi baş verib.
Manset.az xəbər verir ki, yol-nəqliyyat hadisələrdən biri rayonun Səmədabad kəndi ərazisində qeydə alınıb.
Hərəkətdə olan "Mercedes" markalı minik avtomobili idarəetməni itirərək aşıb. Sürücü 1967-ci il təvəllüdlü Asif Qasımov müxtəlif bədən xəsarətləri alıb.
Digər qəza isə Biləsuvar şəhəri ərazisində qeydə alınıb. Motosiklet "Niva" markalı minik avtomobilinə çırpılıb. Nəticədə motosikletin sürücüsü, 1993-cü il təvəllüdlü Orxan Abışov xəsarət alıb. Hər iki hadisədə xəsarət alan yaralılar rayon xəstəxanasına çatdırılıb.
Araşdırma aparılır.
