Daha 3 güləşçimiz dünya çempionatında mübarizəyə başlayır

Serbiyanın paytaxtı Belqradda güləş üzrə dünya çempionatı davam edir.

 

Manset.az xəbər verir ki, yarışın yeddinci günündə sərbəst güləş üzrə millinin 3 üzvü mübarizəyə qoşulacaq.

Əliabbas Rzazadə (57 kq) 1/16 finalda koreyalı Sunqvon Kimlə qarşılaşacaq.

Turan Bayramov (74 kq) 1/16 finalda bolqarıstanlı Miroslav Kirovla üz-üzə gələcək.

Osman Nurmaqomedov (92 kq) 1/8 finalda Strahinja Despiç (Serbiya) - Maksvel Qarita (Kosta-Rika) görüşünün qalibiylə güləşəcək.