Braziliyanın cənub-şərqində yerləşən Rio-de-Janeyro ştatında turistləri daşıyan sərnişin avtobusu dağ yolunda aşıb.
Manset.az xarici mediaya istinadən xəbər verir ki, qəza nəticəsində 10 nəfərin həlak olduğu bildirilib.
Rio-de-Janeyro ştatının Yanğınsöndürmə İdarəsinin məlumatına görə, hadisə dünən yerli vaxtla saat 04:30 radələrində Petropolis şəhəri yaxınlığındakı dağlıq ərazidə baş verib.
Turistləri daşıyan avtobusun aşmasından sonra hadisə yerinə gələn xilasedicilər ilkin olaraq 8 nəfərin həyatını itirdiyini müəyyənləşdirib. Xəstəxanaya çatdırılan yaralılardan daha 2 nəfərin tibbi müdaxilələrə baxmayaraq öldüyü bildirilib.
Braziliya Federal Yol Polisi avtobusun qonşu Minas-Jerays ştatının paytaxtı Belo-Orizonti şəhərindən yola düşdüyünü və Rio-de-Janeyro şəhərindəki çimərliklərə getdiyini açıqlayıb.
Qəza səbəbindən təxminən 4 saat nəqliyyatın hərəkətinə bağlanan yol daha sonra yenidən açılıb. Polis hadisə ilə bağlı araşdırmaya başlayıb.
