Rusiya Prezidenti Vladimir Putinin Ermənistanda yerləşən Rusiya hərbi bazasının bağlana biləcəyi ilə bağlı açıqlamasına Ermənistanın Baş naziri Nikol Paşinyandan cavab gəlib.
Manset.az xarici mediaya istinadən xəbər verir ki, Paşinyan Ermənistanın Rusiya hərbi bazasına ehtiyacı olmadığını bildirib.
Ermənistanın Baş naziri Nikol Paşinyan keçirdiyi mətbuat konfransında ölkənin Gümrü şəhərində yerləşən 102-ci Rusiya hərbi bazası ilə bağlı açıqlamalar verib. O bildirib ki, Ermənistanda yerləşən Rusiya hərbi bazası ölkənin təhlükəsizliyi baxımından həyati əhəmiyyət daşımır və Ermənistanın bu bazaya ehtiyacı yoxdur.
Paşinyan məsələni Ermənistanın deyil, Rusiyanın gündəmə gətirdiyini vurğulayıb.
“Bu hərbi baza Ermənistanın təhlükəsizliyi üçün həyati əhəmiyyət daşımır”, – deyə Paşinyan bildirib.
