46 yaşlı qadın gözünün üstündəki şişə görə beyin əməliyyatı keçirib. Əməliyyatdan sonra vəziyyəti ağırlaşıb.
Manset.az-ın Xəzər Xəbər-ə istinadən məlumatına görə, oğlu iddia edir ki, anası həkim səhvinin qurbanı olub.
Rövşən Hacıyev deyir ki, anasının əməliyyatı İcbari Tibbi Sığorta üzrə Dövlət Agentliyinin göndərişi əsasında baş tutub.
Əməliyyatı həkim Nazim Verdiyev həyata keçirib:
İddiaçının sözlərinə görə, həkim əvvəlcə səhvi üzərinə götürüb və xəstənin bütün xərclərini qarşılayacağını bildirib, lakin sonra boyun qaçırıb. Hətta sonradan o da məlum olub ki, əməliyyatı icra edən həkim əslində 7 ay öncə Respublika Neyrocərrahiyyə Xəstəxanasından təqaüdə çıxıb:
İddialarda adı bağlı adı çəkilən həkim Nazim Verdiyevlə əlaqə saxlamağa çalışdıq, lakin zənglərimiz cavabsız qaldı. TƏBİB-dən isə bildirildi ki, vətəndaşın şikayəti qeydiyyata alınıb və araşdırma aparılır. Hər hansı səhlənkarlıq, məsuliyyətsiz yanaşma və etik pozuntu aşkarlanarsa, qanunvericiliyə uyğun şəkildə tədbir görüləcək.
Mövzu ilə bağlı daha ətraflı videomaterialı təqdim edirik:
