Sabahdan Nazirlər Kabinetinin qərarına əsasən, ictimai iaşə müəssisələrində, mehmanxanalarda və iri ticarət mərkəzlərində göstərilən xidmətlərdən yalnız COVID-19 pasportu olduğu halda istifadə edə biləcəklər.
“Sədərək" Ticarət Mərkəzinin mətbuat xidmətinin rəhbəri Kəmaləddin Qədim Manset.az-a açıqlamasında bildirib ki, sentyabrın 1-dən etibarən COVİD-19 pasportu olmayanlar “Sədərək" TM-nə buraxılmayacaqlar:
“Bununla bağlı Sədərək Ticarət Mərkəzində hazırlıq işləri həyata keçirilir.Bazar hər gün təmizlənir, dezinfeksiya işləri aparılır.Artıq ticarət mərkəzində vaksinasiya prosesi həyata keçirilir. Sədərək TM-nin “Elit” adlanan hissəsində tibb məntəqəsi var. Burada sahibkarlar və müştərilər peyvənd olunurlar.Sentyabrın 1-dən etibarən keçid məntəqələrində mühafizəçilər dayanacaq. COVİD-19 pasportu olmayanlar əraziyə buraxılmayacaq. Alıcılardan xahiş edirik ki, vaksin olunmayan şəxslər peyvənd olunduqdan sonra alış-veriş üçün ticarət mərkəzinə yaxınlaşsınlar.Sahibkarlara da tapşırılıb ki, gələn müştərilərdən COVİD 19 pasportu tələb etsinlər.Bununla bağlı polis əməkdaşları, Qida Təhlükəsizliyi Agentliyinin əməkdaşları tərəfindən monitorinqlər keçiriləcək”.
