“Səyyar qəbul otağı” həftədə 1 dəfə ölkədə fəaliyyət göstərən sahibkarlar üçün təşkil olunur ki, bu gün də bu fürsətdən Samux rayonunda fəaliyyət göstərən sahibkarlar yararlanmaq imkanı əldə ediblər.
Manset.az xəbər verir ki, rayonun Qarayeri qəsəbəsində bir araya gələn sahibkarlardan yalnız 5-i müraciətini ünvanlayıb.
SOCAR “Azəriqaz” İB-nin fəaliyyətindən razı qalan sahibkarlar isə il ərzində özlərinin yaratdığı problemin həllində köməklik istəyiblər. Daha dəqiq desək, istehlak edilən qaza görə yaranmış debitor borcun hissə-hissə ödənilməsinə icazənin verilməsi istəyi mikrofon önündə səslənən müraciətlərin məğzini təşkil edib.
Gəncə RQİİ-nin rəhbər şəxsləri sahibkarların istəklərinə hər il olduğu kimi bu il də Birliyin səlahiyyətləri çərçivəsində baxılacağını bildiriblər.
