Amerikalı milyarder İlon Mask ABŞ prezidenti Co Baydenin namizədliyini geri götürməsindən sonra prezidentlik yarışında namizəd kimi çıxış edən vitse-prezident Kamala Harrisə sərt mesaj göndərib.
Manset.az xarici mediaya istinadən xəbər verir ki, ABŞ prezidentliyinə namizəd Donald Trampı dəstəklədiyini açıq şəkildə ifadə edən milyarder İlon Mask ABŞ-nin vitse-prezidenti Kamala Harrisi amerikalı maliyyəçi Corc Sorosun oğlu Aleksandr Sorosun "kuklası" adlandırıb.
Maskın sözlərinə görə, ABŞ prezidenti Co Baydenin ikinci müddətə namizəd olmamaq qərarı demokratların "sadəcə daha yaxşı işləyəcək bir kukla istəməsi" və mövcud siyasi mexanizmin toxunulmaz qalması ilə izah olunur.
Qeyd edək ki, Trampa qarşı sui-qəsd cəhdindən sonra İlon Mask "Prezident Trampı tam dəstəkləyirəm və tezliklə sağalacağına ümid edirəm" demişdi.
Fidan Əliyeva
Manşet.az
