İtaliyada qadın qətllərinə qarşı sərt tədbirlər görüləcək.
Manset.az xarici mediaya istinadən xəbər verir ki, yeni qanun layihəsi, qadınları qəsdən öldürənlərə ömürlük həbs cəzası tətbiq etməyi təklif edir.
Qanun, həmçinin qadına qarşı zorakılıq və təqib edənlərə qarşı daha sərt cəzalar müəyyən edir. 2023-cü ildə İtaliyada 120-dən çox qadın öldürülüb, bu cinayətlərin 60%-i həyat yoldaşları və keçmiş partnyorlar tərəfindən törədilib.
Qanun layihəsi Senatdan ilkin təsdiq alıb və sentyabrda Nümayəndələr Palatasında qəbul olunması gözlənilir. Qadın hüquqları müdafiəçiləri, qanunun qadınlara qarşı zorakılığa qarşı ciddi tədbir olduğunu, amma qabaqlayıcı siyasətlərin də artırılmalı olduğunu vurğulayıblar.
