Rusiyanın Kamçatka yarımadasının sahillərində 8 və 8,8 bal gücündə iki güclü zəlzələ baş verib.
Manset.az xəbər verir ki, bu barədə ABŞ Geoloji Xidməti (USGS) tərəfindən məlumata verilib.
Məlumata görə, zəlzələnin episentri Kamçatka yarımadasının Petropavlovk-Kamçatski şəhərindən 119 kilometr cənub-şərqdə yerləşib.
Zəlzələnin dərinliyi 20 kilometr olub və maqnitudası 8,8 olaraq qeydə alınıb. Hadisədən sonra, Rusiya və Yaponiyanın Sakit Okean sahilləri ilə yanaşı, bir sıra Sakit Okean adaları üçün sunami xəbərdarlığı edilib.
Yaponiya hökuməti fövqəladə vəziyyət elan edərək, əhalini sahilyanı ərazilərdən uzaq durmağa çağırıb. Həmçinin, yerli orqanlar, sunami təhlükəsinin artması ilə bağlı əlavə xəbərdarlıqlar veriblər.
