ABŞ prezidenti Donald Tramp Çin prezidenti Si Cinpini "boss" adlandırıb.
Manset.az xəbər verir ki, o, bu barədə Floridaya uçarkən jurnalistlərə açıqlamasında deyib.
Amerika liderindən Çində başlayan yüksək rütbəli hərbi rəhbərliyin təmizlənməsi və bu faktın Tayvanı nə dərəcədə təhdid edə biləcəyi barədə şərh verməsi istənilib.
Tramp sualdan yayınaraq deyib: "Mənim baxış bucağımdan Çində bir boss var və o da sədr Sidir. Mən onunla iş görürəm. Sədr Si bossdur. Mən onu çox yaxından izləyirəm və o, Çində çox hörmətlidir. O, bossdur".
Tramp daha əvvəl "Daily Mail" qəzetinə verdiyi açıqlamada Çin prezidenti ilə demək olar ki, həftədə bir dəfə danışdığını bildirmişdi./publika.az
