Bolqarıstanın qərbindəki dağlıq ərazidə qəribə hadisə baş verib. Hadisələr fonunda 6 nəfər həyatını itirib.
Manset.az xarici mediaya istinadən xəbər verir ki, bazar günü Stara Planina dağlarında əlçatmaz bir yerdə park edilmiş mikroavtobusda 15 yaşında bir uşaqla birlikdə üç nəfərin cəsədi tapılıb. Təhlükəsizlik qüvvələri bu şəxslərin altı gün əvvəl yanmış bir evin yaxınlığında ölü tapılan üç kişi ilə əlaqəli olduğunu açıqlayıb.
Bu hadisələr ölkədə böyük müzakirələrə səbəb olub və araşdırmaya dair mübahisələri də meydana gətirib.
Polis tərəfindən araşdırılan təhlükəsizlik kamerası görüntülərində iki qrupun evdə vidalaşdığı görünür. Görüntülərə əsasən, hadisə yerində qalan üç nəfər bir müddət sonra evi yandırıblar.
