Nepal sakinləri ölümcül daşqından sonra yaxınlarını axtararkən ümidlərini "itkin düşənlərin divarı"na bağlayırlar.
Manset.az xarici mediaya istinadən xəbər verir ki, Sati Siqdel əmisi oğluna dair bir xəbər almaq ümidi ilə hər gün Katmanduda yüzlərlə fotoşəkillə örtülmüş xəstəxana divarının yanına gedir. Bu şəkillərin bəziləri itkin düşmüş yaxınlara, digərləri isə tapılmış, lakin hələ şəxsiyyəti müəyyən edilməmiş cəsədlərə aiddir.
"Onun şəklini üç gün əvvəl paylaşdıq, amma hələ də heç bir xəbər almamışıq", – deyə Siqdel əmisi qızı Sviti Paytan haqqında bildirib. Paytan buzlaq uçqunu nəticəsində baş verən və 1200-dən çox insanın həyatına son qoyan fəlakətli daşqın zamanı itkin düşən 4200-dən çox insandan biridir.
