Argentina prezidenti Xavyer Miley Folklend adaları ilə bağlı Böyük Britaniya ilə gərginliyi artıraraq, Britaniyanın dənizaşırı ərazisi yaxınlığında neft hasilatı ilə məşğul olan şirkətlərə qarşı iqtisadi sanksiyalar tətbiq ediləcəyi barədə xəbərdarlıq edib.
Manset.az xarici mediaya istinadən xəbər verir ki, Xavyer Miley xalqa müraciətində ABŞ-ın məsələ ilə bağlı neytrallıq mövqeyinə yenidən baxa biləcəyinə dair əlamətlərin Argentinada ruh yüksəkliyi yaratdığını bildirib. O, bu fonda “dəyişiklik küləkləri”nin Argentinanın adalara olan iddiasının xeyrinə əsdiyini qeyd edib.
Miley Britaniya və İsrail şirkətlərinin kəşfiyyat işlərinə başlamağa hazırlaşdığı “Sea Lion” neft yatağını “açıq və real təhlükə” adlandırıb.
