Dünya ərzaq böhranı qapıdadır, bütün ölkələr təsirlənəcək.
Manset.az-ın xarici mediaya istinadən məlumatına görə, Dünya Bankının prezidenti David Malpas Rusiya-Ukrayna müharibəsinə görə dünyanın ərzaq böhranı fəlakəti ilə üzləşdiyini bildirib.
Malpas deyib ki, rekord ərzaq qiymətləri yüz milyonlarla insanı yoxsulluğa sürükləyərkən qidalanma miqdarını azalda bilər.
Oxşar vəziyyətin koronavirus pandemiyasında da yaşandığını deyən Malpas ərzaq qiymətlərinin gələcəkdə hökumətlər üçün çətinlik yaradacağını vurğulayıb.
Dünya Bankının rəhbəri çətinliyi aradan qaldırmaq üçün ərzaq ehtiyatlarının ehtiyacı olanlarla paylaşılmasını və ya satılmasını təklif edib.
Digər tərəfdən, artan ərzaq və enerji xərcləri bir çox ölkədə böhran daxilində böhrana səbəb ola bilər.
İnkişaf etməkdə olan ölkələr bu prosesdə borc ödəmə öhdəliklərini yerinə yetirməkdə çətinlik çəkə bilər.
