Rusiya Ukrayna ordusunun yüksək dəqiqlikli silahlarla birbaşa Rusiyanın ərazisinə endirəcəyi zərbələrdən dəhşətli dərəcədə qorxur.
Manset.az musavat.com-a istinadən xəbər verir ki, bu barədə “Defence Express” məlumat yayıb.
“Rusiya komandanlığı Qərb Hərbi Dairəsinin Belqorod vilayətində dislokasiya olunmuş 6-cı Ordusunun iki bölməsinin səhra düşərgəsinə geri çəkilməyi əmr edib. Bölmələr Komsomolski kəndindən (Ukrayna ilə sərhəddən 22-23 km) Xoxlovo kəndinə (Ukraynadan 50-51 km) köçürülüb. Bu manevrlər əslində rusların Ukraynanın dəqiq silahlarından gizlənmək cəhdinə dəlalət edir. Hətta düşərgənin Ukrayna ilə sərhəddən 50 km uzağa köçürülməsi də işğalçıları HİMARS raket sistemlərindən müdafiəsini təmin etmir ",- məlumatda deyilib.
