Kremlin sözçüsü Dmitriy Peskov "Şimal axını 1" və "Şimal axını 2" təbii qaz boru kəmərlərinə dəyən zərəri və Baltik dənizində baş verən qaz sızmaları ilə bağlı açıqlama verib.
Manset.az-ın xarici mediaya istinadən məlumatına görə, xətlərdə yaşanan problemlərin son dərəcə narahatedici bir inkişaf olduğunu vurğulayan Peskov, "Xətlərdə müəyyən zədələr var, ancaq hansı zərərin olduğu bəlli deyil. Biz heç bir ehtimalı istisna edə bilmərik. Təzyiq əhəmiyyətli dərəcədə aşağı düşüb. Bu, misli görünməmiş bir vəziyyətdir və təcili yardım tələb edir" deyib.
