"Çelsi" klubu "Yuventus"un serbiyalı hücumçusu Duşan Vlahoviçi heyətinə qatmağı planlaşdırır.
Manset.az Qol.az-a istinadən xəbər verir ki, London təmsilçisinin nümayəndələri artıq futbolçunun atası və eyni zamanda meneceri olan Miloş Vlahoviçlə əlaqə saxlayıblar.
Həmçinin məlumata görə, futbolçu ilə “Bavariya”, “Barselona” və “Nyukasl” klubları da yaxından maraqlanır.
Qeyd edək ki, Vlahoviç 2025/2026 mövsümündə “Yuventus”da 23 matçda 10 qol və 2 məhsuldar ötürmə ilə yadda qalıb. Onun bazar dəyəri 35 milyon avro olaraq qiymətləndirilir.
