3x3 basketbol üzrə Azərbaycan millisi və "Neftçi" Dünya Qadın Seriyasının Kosovanın paytaxtı Priştinadakı mərhələsində mübarizəyə başlayıb.
Manset.az-ın məlumatına görə, B qrupunda ilk oyununu keçirən yığma ABŞ seçməsinə böyük hesabla uduzub - 3:22.
D qrupunda qərarlaşan "Neftçi" isə turnirə qələbə ilə start verib. Paytaxt klubu ilk görüşdə Niderlanda 11:6 hesabı ilə qalib gəlib.
Azərbaycan millisi qrupdakı növbəti oyununu Bakı vaxtı ilə saat 23:25-də Macarıstanın "Qyor" klubuna, "Neftçi" isə Bakı vaxtı ilə saat 00:45-də Kosova yığmasına qarşı keçirəcək.
