Bosniya və Herseqovinada "Jelezniçar" ilə "Neftçi" komandaları arasında keçirilən UEFA Konfrans Liqasının II təsnifat mərhələsinin ilk oyununda ikinci hissə başlayıb.
Rəhman Hacıyev 90+5-ci dəqiqədə möhtəşəm qolla hesabı bərabərləşdirir - 2:2.
***
Oyun 2:2 hesabı ilə başa çatdı. Cavab oyunu avqustun 3-də Bakıda keçiriləcək.
Manset.az-ın məlumatına görə, ilk yarıdan sonra "ağ-qaralar" rəqibinə 1:2 hesabı ilə uduzur.
***23:55
Bosniya və Herseqovinada "Jelezniçar" ilə "Neftçi" komandaları arasında keçirilən UEFA Konfrans Liqasının II təsnifat mərhələsinin ilk oyununda hesab dəyişib.
Manset.az-ın məlumatına görə, meydan sahibləri 45+10-cu dəqiqədə yenidən üstünlüyü ələ keçiriblər - 2:1. "Jelezniçar"ın heyətində Cozef Amoa fərqlənib.
Beləliklə, "ağ-qaralar" fasiləyə minimal hesablı məğlubiyyətlə yollanıblar.
***23:44
Bosniya və Herseqovinada "Jelezniçar" ilə "Neftçi" komandaları arasında keçirilən UEFA Konfrans Liqasının II təsnifat mərhələsinin ilk oyununda ikinci qol vurulub.
Manset.az-ın məlumatına görə, Azərbaycan təmsilçisi 42-ci dəqiqədə Kilan Lebonun qolu ilə hesabı bərabərləşdirib.
***23:20
Bosniya və Herseqovinada "Jelezniçar" və "Neftçi" komandaları arasında UEFA Konfrans Liqasının II təsnifat mərhələsinin ilk oyununda hesab açılıb.
Manset.az xəbər verir ki, 12-ci dəqiqədə fərqlənən Cenan Haraçiç meydan sahiblərini önə keçirib.
***23:16
Bosniya və Herseqovinada "Jelezniçar" və "Neftçi" komandaları arasında UEFA Konfrans Liqasının II təsnifat mərhələsinin ilk oyunu başlayıb.
Manset.az xəbər verir ki, "Qrbavitsa" stadionunda keçirilən qarşılaşma Bakı vaxtı ilə saat 23:00-da start götürüb. Görüşü estoniyalı FIFA referisi Yuri Frişer idarə edir.
Qeyd edək ki, komandaların cavab matçı avqustun 3-də Bakıda olacaq. Bu cütün qalibi növbəti mərhələdə "Beşiktaş" (Türkiyə) - "Tirana" (Albaniya) duelinin güclüsü ilə qarşılaşacaq.
***21:53
Bosniya və Herseqovinada UEFA Konfrans Liqasının II təsnifat mərhələsinin ilk oyununda üz-üzə gələcək "Jelezniçar" və "Neftçi"nin start heyətləri bəlli olub.
Manset.az xəbər verir ki, komandalar meydana aşağıdakı "11-lik"lərlə çıxacaqlar:
"Jelezniçar": 1. Edis Mulaliç, 5. Aleksandar Kosoriç, 19. Amar Drina, 33. İrfan Yaşareviç, 8. Nedim Mekiç, 18. Edin Biber, 7. Süleyman Krpiç, 17. Andriya Drlyo, 26. Cozef Amoa, 9. Cenan Haraçiç
Baş məşqçi: Nermin Başiç
"Neftçi": 1. İvan Brkiç, 4. Mark Tamaş, 5. Kenni Sayef, 7. Azər Əliyev, 8. Emin Mahmudov, 10. Filip Ozobiç, 11. Kilan Lebon, 14. Eddi İsrafilov, 23. Ataa Cabir, 26. Ömər Buludov, 44. Yuri Matias
Baş məşqçi: Adrian Mutu
Qeyd edək ki, bu gün “Qrbavitsa” stadionunda keçiriləcək qarşılaşma Bakı vaxtı ilə saat 23:00-da başlayacaq.
