Mahaçqala və Kaspiyskdə antiterror əməliyyatı rejimi tətbiq edildi

09:32 - 31 Mart 2024

Mahaçqala və Kaspiyskdə antiterror əməliyyatı rejimi tətbiq edildi

Rusiyanın Dağıstan Respublikasının Mahaçqala və Kaspiysk şəhərlərində antiterror əməliyyatı rejimi tətbiq edilib.

 

Manset.az “Report”a istinadən xəbər verir ki, bu barədə “İnterfaks”a Federal Təhlükəsizlik Xidmətinin (FTX) Dağıstandakı operativ qərargahından məlumat verilib.

Antiterror əməliyyatı rejimi Mahaçqalanın Leninski, Sovetski rayonlarında və Kaspiysk şəhəri daxilində saat 5:35-dən etibarən qüvvədədir. Onun tətbiq edilməsinin səbəbləri qeyd edilmir.

“Dağıstandakı operativ qərargah respublikanın bütün sakinlərinə müraciət edərək sayıqlığı artırmaq və ekstremizm və terrorizmlə mübarizədə problemlərin həllində hüquq-mühafizə orqanlarına hərtərəfli dəstək göstərmək xahişi ilə müraciət edir”, – FTX nümayəndəsi bildirib.

FTX-dən bildiriblər ki, antiterror əməliyyatı zamanı xüsusi tədbirlər və müvəqqəti məhdudiyyətlər növbəti xəbərdarlığa qədər qüvvədə olacaq. Hansı konkret məhdudiyyətlərin müzakirə olunduğu açıqlanmır.


Xəbər xətti

18 Aprel 2024

Ən son xəbərləri səhifəmizdən də izləyin