“Barselona”nın yarımmüdafiəçisi Frenki de Yonq zədədən sonra hələ də tam bərpa olunmayıb.
Manset.az Qol.az-a istinadən xəbər verir ki, niderlandlı yarımmüdafiəçinin noyabrdan əvvəl sıraya qayıtması gözlənilmir.
Bu səbəbdən De Yonq UEFA Çempionlar Liqasının əsas mərhələsinin 3-cü turunda PSJ ilə keçiriləcək oyunda, həmçinin oktyabrın 25-də “Kamp Nou”da baş tutacaq “Real”la “El Klasiko”da iştirak etməyəcək.
Futbolçu 2026-cı il dünya çempionatı zamanı sağ dizinin medial kollateral bağından zədələnib. “Barselona” onun müalicəsində əməliyyatsız, konservativ üsula üstünlük verib.
Qeyd edək ki, De Yonq 2019-cu ilin yayından “Barselona”da çıxış edir. Onun klubla müqaviləsi 2029-cu ilin yayına qədər qüvvədədir. “Transfermarkt” futbolçunun bazar dəyərini 35 milyon avro məbləğində qiymətləndirir.
