“Koronavirusun yeni variantı “Pirola” əvvəlki ştammları xatırladır, lakin onun strukturunda bəzi dəyişikliklər var, buna görə də əvvəlki ştamlara qarşı yaxşı işləyən anticisimlər bu virusa təsir etməyə bilər”.
Manset.az xəbər verir ki, bu barədə rusiyalı epidemioloq, tibb elmləri doktoru Vadim Pokrovski xəbərdarlıq edib.
Bununla belə o, narahat olmamağa çağırıb:
“Daha yüzlərlə müxtəlif ştammlar ortaya çıxa bilər. Ona görə də yeni ad yarandığına görə narahat olmağa əsas yoxdur”, - deyə mütəxəssis bildirib.
Xatırladaq ki, bundan əvvəl virusun yeni mutasiyasının Azərbaycanda yayılma ehtimalı olduğu barədə xəbər vermişdik. Risk qrupuna yaşlılar, immun sistemi zəifləyənlər və xroniki xəstəlikləri olanlar daxildir. O da məlum olub ki, “Pirola” virusu vaksindən yayına bilər.
