Xarici İşlər Nazirliyi Almaniyanın Ebersvalde şəhərində baş verən yanğında 2 Türkiyə vətəndaşının həyatını itirdiyini açıqlayıb.
Manset.az bu barədə Türkiyə mediasına istinadən xəbər verir.
Məlumata görə, Ebersvaldin mərkəzində 3 mərtəbəli binanın həm iş, həm də yaşayış yerində yanğın baş verib, 2 nəfər ölüb, 6 nəfər yaralanıb.
Ölənlərin türk ana və onun 5 yaşlı oğlu olduğu öyrənilib.
Binanın birinci mərtəbəsində dönərxananın olduğu və yanğının başvermə səbəbinin məlum olmadığı bildirilib.
Polis yanğınla bağlı genişmiqyaslı araşdırmaya başlayıb.
