Qazaxıstanın Ulitau vilayətində şaxtanın çökməsi nəticəsində həlak olan yeddi şaxtaçının hamısının cəsədini tapıblar.
Manset.az-ın xəbərinə görə, bu barədə Qazaxıstan Fövqəladə Hallar Nazirliyi məlumat yayıb.
"Kazakhmys Corporation LLP-yə məxsus şaxtada axtarış-xilasetmə əməliyyatları zamanı yeddinci işçinin meyiti tapılıb. Onun şəxsiyyəti müəyyənləşdirilir. 7 işçinin hamısının cəsədi səthə çıxarılaraq məhkəmə-tibbi ekspertizası üçün polis əməkdaşlarına təhvil verilib".
Fevralın 17-də axşam saatlarında “Kazakhmys” şirkətlər qrupu respublikanın Ulıtau rayonundakı “Chomart” mədənində süxurun uçması baş verdiyini, nəticədə 7 işçinin dağıntılar altında qaldığını, onlarla əlaqənin olmadığını bildirib. Daha sonra xilasedicilər dağıntılar yerində 6 cəsəd tapıblar.
Qazaxıstan hökuməti baş nazirin müavini Kanat Bozumbayevin rəhbərlik etdiyi insidentin səbəblərini araşdırmaq üçün xüsusi komissiya yaradıldığını elan edib.
