Somalinin paytaxtı Moqadişonun cənub-qərbində təyyarənin qəzaya uğraması nəticəsində 5 nəfərin öldüyü bildirilir.
Manset.az xəbər verir ki, bu barədə Somali Mülki Aviasiya Təşkilatından (SCAA) verilib.
Verilən açıqlamaya görə, dünən Somalinin cənubundakı Dhobley hava limanından Moqadişudakı Aden Abdulle Beynəlxalq Hava Limanına hərəkət edən DHC-5D Buffalo model təyyarəsi Moqadişunun təxminən 24 kilometr cənub-qərbində qəzaya uğrayıb.
Baş verən qəzada beş Keniyalı ekipaj üzvü həyatını itirib.
Somali hökuməti verdiyi açıqlamada qəzanın səbəblərinin müəyyən edilməsi üçün ilkin araşdırmaya başlanıldığını və hadisə yerində axtarış-xilasetmə işlərinin davam etdiyini bildirib.
