İsrailin Qəzzaya hücumu nəticəsində azı 5 nəfər öldü

İsrail ordusunun Qəzza zolağının şimalındakı Qəzza şəhərinə bir gecədə təşkil etdiyi hücumda azı 5 nəfər həlak olub.

Manset.az xəbər verir ki, bu barədə Fələstinin rəsmi xəbər agentliyi "WAFA" məlumat yayıb. Gecə yarısı baş verən hücumda ən azı 5 nəfərin öldüyü, yaralananların olduğu bildirilib.
Yanvarın 19-da Qəzza zolağında qüvvəyə minən atəşkəsdən sonra İsrail ordusu martın 18-i səhər saatlarında şiddətli hücumlarını bərpa edib.
İsrail ordusu yenidən hücumlara başladıqdan sonra əksəriyyəti qoca, qadın və uşaq olmaqla 1391 fələstinli həyatını itirib, 3434 nəfər isə yaralanıb.
İsrailin 7 oktyabr 2023-cü ildən Qəzza zolağına təşkil etdiyi hücumlarda həyatını itirən fələstinlilərin sayı 50 min 752, yaralıların sayı isə 115 min 475-ə yüksəlib.