Taylandın şimalında yaşayan 65 yaşlı Chonthirot ailəsi tərəfindən ölü elan edildikdən sonra tabutuna qoyulub. Lakin kremasiya üçün yola çıxan tabutun içində birdən oyanaraq tabutun üzərinə vurmağa başlayıb.
Manset.az-ın xarici mediaya istinadən əldə etdiyi məlumata görə, Chonthirot, Taylandın Phitsanulok şəhərindəki evində ölü elan edildikdən sonra, ailəsi onu Bangkok yaxınlarında, yoxsullara pulsuz kremasiya xidməti verən bir məbədə göndərmək üçün hazırlıq görüb. 23 noyabr səhəri, ailəsi onun təbii şəkildə öldüyünə inanaraq, onu ağ tabutuna qoyub və kremasiya üçün dörd saatlıq səfərə çıxıb.
Lakin, tabut məbədə çatmadan əvvəl, Chonthirot tabutunun içində oyanaraq, qapısına vurmağa başlayıb. Ailəsi bu hadisəni gördükdə həm qorxuya düşüb, həm də heyrətə gəlib.
