İsrail Müdafiə Qüvvələri, yüksək rütbəli zabitlər üçün mobil cihazlarla bağlı qaydaları sərtləşdirərək Android telefonlarını qadağan etmə qərarı alıb.
Manset.az-ın xarici mediaya istinadən əldə etdiyi məlumata görə, yeni təlimata əsasən, polkovnik və daha yüksək rütbəli komandirlər rəsmi əlaqə üçün yalnız IDF tərəfindən verilən Apple iPhone cihazlarından istifadə edə biləcək.
İsrail Müdafiə Qüvvələri (IDF), yüksək səviyyəli komanda kadrlarında kibertəhlükəsizliyi artırmaq məqsədilə mühüm dəyişikliklər edib. Ordu Radiosu və Jerusalem Post-un məlumatına əsasən, IDF rəsmi əlaqə xətlərində Android telefonlarının istifadəsini qadağan edərək, polkovnik və daha yüksək rütbəli zabitlər üçün iPhone istifadəsini məcburi edib.
