Avropada biometrik sərhəd sistemi böhranı dərinləşdirir.
Manset.az xəbər verir ki, Avropada tətbiq olunan biometrik sərhəd nəzarəti sistemi yay turizm mövsümünün başlaması ilə hava limanlarında uzun növbələrə və ciddi gecikmələrə səbəb olub.
Aeroport operatorları və aviaşirkətlər yaranmış vəziyyətlə əlaqədar Avropa Komissiyasını sistemi yay aylarında müvəqqəti dayandırmağa çağırıblar.
Avropa Komissiyası isə sistemin təhlükəsizlik baxımından mühüm əhəmiyyət daşıdığını vurğulayaraq, bununla yanaşı, üzv dövlətlərin müstəsna hallarda daha çevik yanaşma tətbiq edə biləcəyini bildirib.
Buna baxmayaraq, aviasiya sektoru xəbərdarlıq edir ki, zəruri tədbirlər görülməzsə, yay mövsümündə Avropanın hava limanlarında ciddi sıxlıq və genişmiqyaslı fasilələr yarana bilər.
