ABŞ Prezidentinin xüsusi nümayəndəsi Stiv Uitkoff Kiyevdə Ukrayna lideri Volodimir Zelenski ilə görüşdən sonra Birləşmiş Ştatlar, Rusiya və Ukraynanın tezliklə üçtərəfli danışıqlar elan edə biləcəyini bildirib.
Manset.az Ukrayna mətbuatına istinadən xəbər verir ki, amerikalı nümayəndə qeyd edib ki, Prezident Donald Tramp ona və kürəkəni Cared Kuşnerə müharibəyə son qoymaq üçün bir sıra razılaşmalar hazırlamağı tapşırıb.
"Stiv (Uitkoff-red) və mənim həqiqətən məhsuldar olacağını düşündüyümüz şeylərdən biri təxminən altı ay əvvəl edə bildiyimiz üçtərəfli formata qayıtmaqdır. Hər iki tərəflə danışmışıq, ona görə də ümid edirik ki, tezliklə bu məsələdə irəliləyiş əldə edəcəyik", - Kuşner deyib.
Uitkoff Kiyevdəki danışıqları vacib və məzmunlu adlandırıb.
