Süni intellekt sahəsində rəqabətin yeni istiqaməti kosmosa yönəlib. Çin məlumat mərkəzlərində istifadə olunan böyük hesablama gücünü Yer kürəsindən kənara çıxarmağa hazırlaşır.
Manset.az xarici mediaya istinadən xəbər verir ki, ölkə orbitdə məlumatları öz daxilində emal edən yüzlərlə süni intellekt peykindən ibarət yeni infrastruktur yaradır.
Çin “Three-Body Computing Constellation” layihəsi çərçivəsində ilk 12 peyki orbitə göndərib. Sistem tam qurulduqdan sonra təxminən 1 000 peykin bir-birinə bağlanaraq kosmosda nəhəng hesablama şəbəkəsi yaratması nəzərdə tutulur.
“Three-Body Computing Constellation” layihəsi çərçivəsində orbitə çıxarılan 12 peyk yalnız məlumat toplamaqla kifayətlənmir, həm də onları öz üzərində emal edə bilir. Pekinin uzunmüddətli məqsədi isə bu sistemi təxminən 1 000 peykə çatdıraraq orbitdə bir-biri ilə əlaqəli nəhəng süni intellekt və hesablama şəbəkəsi yaratmaqdır.
Beləliklə, peyklər vasitəsilə toplanan böyük həcmli məlumatların Yerə göndərilmədən birbaşa kosmosda təhlil edilməsi mümkün olacaq.
