ABŞ Prezidenti Donald Tramp Rusiya Prezidenti Vladimir Putinlə telefon danışığının hazırlandığını bəyan edib.
Manset.az “Qafqazinfo”-ya istinadən xəbər verir ki, Ağ Evin rəsmi saytında yayımlanan brifinq zamanı amerikalı lider bu barədə jurnalistlərə məlumat verib.
Tramp çıxışında Rusiya dövlət başçısının özəl gününə diqqət çəkib:
“Məndə telefon danışığı hazırlanıb. Bu gün onun doğum günüdür. Bu gün Vladimir Putinin ad günüdür”.
ABŞ prezidenti daha əvvəl İrkutsk Taun Əleyhinə İnstitutun laborantının pnevmoniyadan vəfat etməsi faktı üzrə aparılan təhqiqatla bağlı rusiyalı həmkarı ilə danışacağını elan etmişdi. Tramp Vaşinqtonun Rusiya regionundakı bu hadisəni diqqətlə izlədiyini vurğulamışdı.
Lakin Kremlin mətbuat katibi Dmitri Peskov jurnalistlərin suallarını cavablandırarkən Rusiya və ABŞ-nin hələlik bu telefon danışığını “predmetli şəkildə” razılaşdırmadığını bildirib. Bununla bərabər, Kreml nümayəndəsi amerikalı tərəfdaşlardan müraciət daxil olacağı təqdirdə rabitə seansının operativ şəkildə təşkil ediləcəyinə əminliyini ifadə edib.
