Ukraynada hərbi vəziyyət uzadıldı

Ali Rada Ukraynada hərbi vəziyyətin və ümumi səfərbərliyin müddətini yenidən 90 gün ərzində uzadıb.

Manset.az xəbər verir ki, parlament bu gün hərbi vəziyyətin uzadılması haqqında 7664 saylı qanun layihəsini, eləcə də ümumi səfərbərlik müddətinin uzadılması haqqında 7665 saylı qanun layihəsini qəbul edib.

Hər iki sənədi 328 xalq deputatı dəstəkləyib.

Beləliklə, hərbi vəziyyət və səfərbərliyin müddəti avqustun 23-dən sonra daha 90 gün, yəni 2022-ci il noyabrın 21-dək uzadılıb.