Ukrayna Prezidenti Volodimir Zelenski və Ukrayna xalqı bu il “Saxarov” mükafatına namizəd göstərilib.
Avropa Parlamentində ən böyük olan Avropa Xalq Partiyası (AXP) qrupu tərəfindən fikir azadlığına görə Ukrayna Prezidenti və xalqının namizədliyi irəli sürülüb.
Manset.az xəbər verir ki, bu barədə Avropa Xalq Partiyasının mətbuat xidməti məlumat yayıb.
“Prezident Volodimir Zelenskinin başçılıq etdiyi cəsur Ukrayna xalqının fikir azadlığına görə hazırkı “Saxarov” mükafatını almağa layiq olduğuna şübhə etmirik. Onlar hər gün döyüş meydanında Avropa dəyərlərini müdafiə etməyə davam edirlər. Ümid edirəm ki, Avropa Parlamentində bütün siyasi qruplar bizim irəli sürdüyümüz namizədi dəstəkləyəcəklər”, - deyə AXP Xarici Əlaqələr Qrupunun vitse-prezidenti Rasa Yuknyaviçiene bildirib.
