NATO-nun qərargahının bu gün verdiyi bəyanatda Albaniyanın milli informasiya infrastrukturuna edilən kiberhücumların İran hökuməti tərəfindən törədildiyi qəbul edilərək pislənilib.
Manset.az-ın xarici mediaya istinadən məlumatına görə, NATO-nun baş katibi Yens Stoltenberq mövzu ilə bağlı, “Tiran və digər müttəfiqlərin İrana aid etdiyi Albaniyaya qarşı son kiberhücumları şiddətlə qınayıram. NATO və Müttəfiq ölkələrin ekspertləri dəstək verir. NATO kiber təhdidlərin qarşısını almaq, müdafiə etmək və onlara qarşı mübarizə aparmaq üçün öz mühafizəsini gücləndirməyə davam etmək öhdəliyi götürür. Biz bir Müttəfiqin sabitliyini pozmaq və təhlükəsizliyini zədələmək və vətəndaşların gündəlik həyatını pozmaq məqsədi daşıyan bu cür zərərli kiber fəaliyyəti qətiyyətlə pisləyirik”- deyib.
