Mersinin Tarsus rayonunda torpaq yolda baş verən yol-nəqliyyat hadisəsi ölümlə nəticələnib.
Manset.az türk mediasına istinadən xəbər verir ki, hadisə Atalar məhəlləsində nəqliyyatın hərəkətinə bağlı olan torpaq örtüklü təsərrüfat yolunda qeydə alınıb.
Məlumata görə, 34 yaşlı A.K.-nın idarə etdiyi avtomobil sürücünün idarəetməni itirməsi nəticəsində yolun sol tərəfindəki daşlara çırpılıb, daha sonra aşıb.
Qəza nəticəsində avtomobildə olan 22 yaşlı Süheyla Nacakcı hadisə yerində həyatını itirib. Xəsarət alan sürücü A.K. isə təcili tibbi yardım briqadasının ilkin müdaxiləsindən sonra xəstəxanaya çatdırılıb.
Faktla bağlı araşdırma aparılır.
