Şəmkir rayonunda, Kür qəsəbə yolunda iki nəqliyyat vasitəsinin toqquşması nəticəsində 3 nəfər xəsarət alıb.
Manset.az Report-a istinadən xəbər verir ki, avtomobil qəzası nəticəsində 1994-cü il təvəllüdlü R.Ağaməmmədov, 1989-cu il təvəllüdlü Ş.Məmmədov və daha 1 nəfər müxtəlif dərəcəli bədən xəsarətləri alıblar.
Zərərçəkmişlər xəstəxanaya yerləşdirilib, vəziyyətləri kafi və orta-ağır qiymətləndirilir.
Faktla bağlı araşdırma aparılır.