"Sabah çox vacib matça çıxacağıq. Qələbə qazanmaq, aqressiv oyun göstərmək və evə yaxşı nəticə ilə qayıtmaq istəyirik".
Manset.az xəbər verir ki, bu sözləri Azərbaycan millisinin kapitanı Emin Mahmudov Avro-2024-ün seçmə mərhələsində sabah Estoniya ilə keçiriləcək səfər oyunu üçün təşkil edilən mətbuat konfransında deyib.
Təcrübəli yarımmüdafiəçi 3 xal üçün maksimum güc sərf edəcəklərini bildirib: "Çətin olsa da, bunun çox vacib oyun olduğunu başa düşürük. Qələbə qazanmaq üçün hər şey edəcəyik".
Qeyd edək ki, sabah Tallində keçiriləcək Estoniya - Azərbaycan görüşü Bakı vaxtı ilə saat 20:00-da başlayacaq.
