İlham Əliyev İqor Babuşkini qəbul etdi
6 May 2024
Tullantıları daşıyan maşınlar qaydaları kobud şəkildə pozdular - VİDEO
18:15 - 26 Oktyabr 2022
Göyçay rayon sakinləri narazıdırlar.
Manset.az Oxu.az-a istinadən xəbər verir ki, onlar bildiriblər ki, Bakı-Şamaxı-Yevlax avtomobil yolunun Göyçay şəhəri Natəvan küçəsindən keçən hissəsində emal olunmuş nar tullantılarının şirəsi asfalt örtüyünü çirkləndirir:
“Nar tullantıları daşınan zaman daşınma qaydaları kobud şəkildə pozulur. Həmçinin tullantıların tərkibində olan turşular asfalt örtüyünün dağılmasına səbəb olur ki, bu da yol hərəkəti iştirakçılarının magistral yolda qəza törətmələrinə səbəb olur. Həmin küçədə Nizami adına 7 saylı tam orta məktəbi yerləşdiyindən məktəblilər sıx olaraq həmin yoldan istifadə edirlər. Dəfələrlə sakinlərin müraciət etmələrinə baxmayaraq, polis tərəfindən heç bir cəza və profilaktik tədbir görülmür”.
Məsələ barədə Daxili İşlər Nazirliyinin Mətbuat Xidmətinin Şəki regional qrupunun baş inspektoru, polis kapitanı Mahir Məsimov bildirib ki, Göyçay şəhəri ərazisində yerləşən istehsal müəssisələrindən birinə məxsus tullantıların avtomobillə daşınması zamanı asfalt örtüyünün çirkləndirilməsi, yükdaşıma qaydalarının pozulması və həmin nəqliyyat vasitələrinin sürücüləri barəsində qanuni tədbir görülməməsi ilə bağlı iddialar araşdırılıb:
“Məlum olub ki, qeyd olunan müəssisəyə aid tullantıları daşıyan yük avtomobillərinin sürücüləri barəsində Göyçay Rayon Polis Şöbəsinin Dövlət Yol Polisi Bölməsinin əməkdaşları tərəfindən son 20 gün ərzində İnzibati Xətalar Məcəlləsinin 327.1-ci ( yükdaşıma qaydalarının pozulması ) maddəsi ilə bir neçə protokol tərtib edilib, qanunvericiliyin tələbləri onlara izah olunub. Həmin şəxslər barəsində heç bir tədbir görülməməsi ilə bağlı səsləndirilən fikirlər isə əsassızdır”.
Digər xəbərlər
Xəbər xətti
6 May 2024
Ən son xəbərləri səhifəmizdən də izləyin