Kahramanmaraşda bir binanın liftinin 6-cı mərtəbədən -3-cü mərtəbəyə düşməsi nəticəsində 5 nəfər xəsarət alıb.
Manset.az Türkiyə mediasına istinadən xəbər verir ki, hadisə, axşam saatlarında Kahramanmaraşın "Kuzey Çevre Yolu" adlı ərazidə bir binada baş verib. İddialara görə, 6 nəfərin olduğu lift 6-cı mərtəbədə nasazlıq keçirib və -3-cü mərtəbəyə qədər düşüb. Bina sakinlərinin xəbərdarlığı üzərinə hadisə yerinə yanğınsöndürən, təcili yardım və polis əməkdaşları göndərilib.
Yanğınsöndürənlər tərəfindən yerindən çıxarılan xəsarət alan 5 nəfər təcili yardım avtomobilləri ilə şəhərdəki müxtəlif xəstəxanalara aparılıb. Xəsarət alanların müalicəsi davam edir, lifti niyə düşdüyü ilə bağlı isə araşdırma başlanılıb.
