Rusiya Moldovanı işğal etmək üçün plan hazırlayıb.
Manşet.az xəbər verir ki, bu barədə əks-kəşfiyyat mənbələrinə istinadən “Kanal 24” məlumat yayıb.
İşğalın tarixi mayın 9-u və ya yaxın günlərdən biri ola bilər və buna səbəb Rusiya tərəfindən Dnestryanı bölgənin müstəqilliyinin tanınmasıdır.
Qeyd olunur ki, rus qoşunlarının ehtimal olunan uğurları cənub-qərb istiqamətində “ikinci cəbhə”yə gətirib çıxaracaq.
"İkinci cəbhənin açılması strateji əhəmiyyət kəsb edir, çünki o, Ukrayna Silahlı Qüvvələrinin insan ehtiyatlarını və texnikasını bir yerə cəmləşdirəcək. Üstəlik, əks-kəşfiyyat rəsmiləri Rusiya qoşunlarının bu regionda olmasının Balkanlarda siyasi vəziyyəti pozacağını bildiriblər”, - məlumatda deyilir.
Bildirilir ki, Ukrayna əks-kəşfiyyatçılarının məlumatına görə, Rusiya Dnestryanıda İl-76 təyyarələri və helikopterləri ilə havadan eniş həyata keçirməyi planlaşdırır. Eyni zamanda Krımdan təyyarələr və helikopterlər uçacaq.
Həmçinin Rusiya Odessa vilayətinin Belqorod-Dnestrovski və Saratski rayonlarına qoşun yerləşdirməyə, sonra isə Dnestryanı əraziyə girməyə cəhd edə bilər.
