Rusiyanın Qara dəniz donanmasının flaqmanı “Moskva”nın vurulmasından həftələr sonra ABŞ açıqlama verib.
Manset.az-ın xarici mediaya istinadən məlumatına görə, ABŞ rəsmiləri NBC News-a bildiriblər ki, Vaşinqtonun paylaşdığı kəşfiyyat məlumatları Ukraynaya Rusiya kreyserini batırmağa kömək edib.
Rəsmilər hücumun Ukrayna qüvvələrinin Odessanın cənubunda Qara dənizdə üzən gəmi ilə bağlı amerikalıları sorğu-sual etməsindən sonra baş verdiyini bildirib.
ABŞ gəminin Moskva olduğunu bildirməyib, lakin onun yerini təsdiqləmək üçün mövqedə dəstək verib.
Rəsmilər ABŞ-ın Ukraynanın Moskvanı hədəf alacağını əvvəlcədən bilmədiyini və hücum qərarına müdaxilə etmədiyini bildirib.
